O xogador galego do AFT Turia 1981, Santi R. Escudero, na radio

Hoxe, na programación local de Radio Vigo (Cadena SER), fixéronse eco do Fútbol de Mesa, e para elo, entrevistaron o xogador galego do AFT Turia 1981, Santi R. Escudero. Ainda que moi xeralmente, e sen entrar en moitos detalles, o certo e que esta incursión na radio, servirá de moito para promociona-lo Fútbol de Mesa. Moitas gracias a Radio Vigo polo interese mostrado, en concreto a Jacobo Buceta.

En canto poidamos descarga-la entrevista, a colgaremos no blog.

Resultados do XX Torneo Open Internacional de Valencia

Este fin de seman, disputouse en Mislata (Valencia), o XX Torneo Open Internacional de Valencia. Cunha participación de casi 40 xogadores en categoría Open, cerca de 20 en categoría veteranos, e 6 equipos, o éxito de asistencia estivo garantido. O espectáculo ofredido polos xogadores non foi para menos.

Na xornada do sábado 3 de Outubro, disputáronse tanto a competición por Equipos, como a competición de Veteranos. Distinto ano, pero mesmos resultados (ou case), xa que como ven sendo habitual nos torneos da AFM, os finalistas do torneo por equipos foron o AFT Turia 1981 e o Real Murcia, que se desfixeron do S.C. Madrid Total Soccer e do Tiburones FM (Málaga) respectivamente. O vencedor final, foi o Real Murcia, que derrotou ó AFT Turia 1981 por 3-1. Na categoría de veteranos, o vencedor foi o murciano J.C. Granados (Real Murcia), que derrotou na final ó catalán Arturo Martínez (Perugia). Os semifinalistas foron o valenciano Emilio Murciano (Real Murcia) e o xogador portugués Nuno Noronha (Tiburones FM).

_

Vista xeral da competición (Foto: Raúl Morán)

O domingo 4 de outubro, disputouse a categoría Open. O vencedor foi o de sempre, o número 1 mundial, o murciano Carlos Flores (Reggiana), que derrotou o tamén murciano Ángel Valverde (Real Murcia), por un claro 6-0. Os semifinalistas foron o murciano Alberto Mateos (Real Murcia) e o valenciano Jose León (Tiburones FM).

_

Un instante da final entre Carlos Flores e Ángel Valverde (Foto: M.A. Heredia)

_

Tamén se disputou o torneo de consolación, sendo o vencedor o valenciano Manolo Clemares (AFT Turia 1981), depois de derrotar na final ó madrileño Julio Candelas (Madrid 1980 S.C.). Os semifinalistas foron o valenciano Jonatan Caballero (AFT Turia 1981) e o madrileño Luís López (S.C. Madrid Total Soccer).

Como conclusión do torneo, pódese dicir que o nivel dos xogadores está a aumentar notablemente, e que cada día somos máis os interesados neste deporte, pero sobre todo, que o AFT Turia 1981 e o Real Murcia, seguen fortes, como a tempada pasada, pero non se poden descoidar, xa que a lo menos dous equipos van estar dando guerra, o Tiburones FM (Málaga) e o S.C. Madrid Total Soccer, ainda que se cadra, o equipo malagueño é, agora mesmo, o rival que máis problemas lles pode causar se temos en conta os reforzos cos que se fixeron para afrontar esta tempada.

Toda a información do torneo en http://www.futboldemesa.com/.

O subbuteo en España nos primeiros anos da década dos 80

Rebuscando pola rede, atopei algunhas cousiñas moi interesantes. Exactamente, na hemeroteca dixital do xornal deportivo "El Mundo Deportivo", aparecían publicadas pequenas referencias ó mundo do "subbuteo" e a "Asociación Española de Subbuteo".

ANO 1980

A primeira das "reliquias", é a presentación en España do subbuteo, no ano 1980, e apareceu publicada o día 20 de Xuño de 1980, e lembremos que esn España o comercializaba a mítica Borras:

_

_

Outra das novas que apareceron ese mesmo ano, foi a celebración da Eurocopa de Subbuteo en Roma, que non tivo participación española. A publicación é do día 16 de Xullo de 1980:

_

_

ANO 1981

Dispútase no noso país o 1º Campionato de España de Subbuteo, aparecendo sendos anuncios sobre a celebración do mesmo os días 19 de Outubro e 26 de Novembro de 1981:

_

Eiquí temos un anuncio do xogo publicado o día 9 de Novembro de 1981:

_

ANO 1982

Este ano foi no que máis referencias ó subbuteo aparecen neste xornal, e non é por casualidade. España acollía o IV Campionato do Mundo de Subbuteo, que naquela época, faríase coincidir co Campionato Mundial de Fútbol. Previamente ó Mundial, celebráronse os Campionatos Rexionais, dos cales saerían os participantes no 2º Campionato de España de Subbuteo. Así mesmo, os campións "senior" e "junior" deste campionato, representarían a España no Mundial de Subbuteo.

As primeiras referencias que atopamos este ano, datan do 13 de Marzo e do 24 de Abril, nas que se anunciaban as eliminatorias do 2º Campeonato de España:

_

_

O 6 e 11 de Maio, aparecían sendos anuncios do Campionato do Mundo de Subbuteo:

_

_

Por outra banda, o 8 de Maio, temos quizáis a publicación máis curiosa de todas: aparecía publicada a lista dos campión rexionais, e por tanto, dos participantes no 2º Campionato de España de Subbuteo. Aparecen nomes coñecidos hoxe en día, como son Arturo Martínez (Perugia), Jose León (Tiburones FM), e os reenganchados Luis Domingo López (S.C. Madrid Total Soccer), Luis Felipe Méndez (Tiburones FM) e Xisco Sastre (Mallorca Aguilas FM). Pero o que máis nos interesa ós galegos, é a existencia de xogadores da nosa comunidade: Jose Sangiao Roca, Antonio Alfeirán Rodríguez, Antonio Álvarez Linares e José Antonio Mejuto. Si, na nosa comunidade xogábase o subbuteo, e seica había algún clube na cidade de A Coruña. ¿Que pasou para que esta afición morrera? ¿Que será deles? ¿Non lles interesaría reengancharse como están facendo outros xogadores? Ogallá tivéramos algunha resposta:

_

_

O 15 de Maio, aparecerían publicados os resultados do 2º Campionato de España de Subbuteo, sendo os campións Arturo Martínez e Xavier Berdala nas súas respectivas categorías:

_

_

O día 5 de Xuño volvían aparecer anuncios do Mundial:

E para rematar, os días 11 e 12 de Xuño, aparecían publicados os resultados do IV Campionato Mundial de Subbuteo, sendo campións o italiano Renzo Frignani e o xibraltareño Joseph Bonfante, quedando os españois Arturo Martínez e Xavier Berdala na 5ª e 8º posición, respectivamente, na súa categoría:

_

É curioso ver os patrocinadores que tiñan os campionatos naquela época (Iberia, AFGA, Cola Cao, SEIKO, Adidas,...). ¿Por qué agora non sucede o mesmo? Tempo ó tempo...

_

(Este artigo está feito en base ás publicacións atopadas na hemeroteca dixital do xornal deportivo "El Mundo Deportivo", polo que pode haber algún erro, o cal, se é detectado, pregaría se me fixera saber. Así mesmo pregaría que todo aquel que posúa información sobre os clubes e xogadores galegos da época, ma fixera chegar para poder escribir con máis profundidade do tema. Moitas gracias pola vosa colaboración).

XX Torneo Open Internacional de Valencia

O vindeiro fin de semana (4 e 5 de Outubro), disputarase no Pabillón do Quint de Mislata (Valencia). Na xornada do sábado, que dará comezo ás 9:00 da mañá, disputarase a competición por equipos e a competicion por categorías. O domingo quedará reservado para a disputa da categoría Open individual, e igualmente dará comezo ás 9:00 da mañá. Polo de agora son cerca de 40 os xogadores incritos para a categoróa Open destacando a asistencia de xogadores portugueses e xibraltareños, así como de diversos puntos da xeografía nacional (Málaga, Mallorca, Madrid, Murcia, Barcelona, Castellón, ...). Na categoría de veteranos, a inscripción achégase á veintena de xogadores, mentres que son 7 os equipos inscritos a día de hoxe. Estes números, fan presaxiar un éxito rotundo de asistencia, e agardamos que así sexa. O organizador do torneo é o valenciano Vicent Martí, e tódolos interesados en participar, poden inscribirse enviando un e-mail a vicent.marti@telefonica.net. Máis información sobre o torneo en http://turiafm.blogspot.com, www.futboldemesa.com i en http://subbuteospain.mforos.com.

O Fútbol de Mesa en Euskadi

O Fútbol de Mesa do País Vasco xa ten un punto de encontro "Subbuteo Euskadi", un blog no que o que se busca é xente que queira xogar ó Fútbol de Mesa nesa rexión. Os que estedes interesados, non o dubidedes e botádelle unha ollada a este novo blog: http://subbuteoeuskadi.blogspot.com. Se vos queredes poñer en contacto con eles, podédelo facer a traves do seginte e-mail: subbuteoeuskadi@gmail.com. Saudos para os "novos" compañeiros do País Vasco e agardemos que acaden o seu obxetivo.

Resultados I Torneo Puerta de Toledo

Onte celebrouse en Madrid, no Centro Comercial Puerta de Toledo, o I Torneo Puerta de Toledo, con certo retraso, xa que estaba previsto o inicio da proba ás 10:30 da mañá e non se iniciou ata as 11:30. A destacar sen dúbida, a gran participación, xa que foron 42 os participantes.

_

Vista xeral da competición (Foto: M.A. Heredia)

_

O campión do mesmo foi o murciano Carlos Flores (Reggiana), que derrotou na final ó catalán Vicenç Prats (Warrios Torino) por 2-1. Nas semifinais, desfixéronse do valenciano Raúl Benita (AFT Turia 1981) e do murciano J.C. Granados (Real Murcia) respectivamente.

O torneo de consolación, foi para o ilicitano Abel Quiles (S.C. Madrid Total Soccer), que venceu ó murciano David Valverde (Real Murcia) por 2-0.

En canto a participación galega, o vigués Santi R. Escudero (AFT Turia 1981), quedou eliminado nos barrages despois de non poder comparecer. O seu papel na fase de grupos foi máis que aceptable. No primeiro partido, enfrentouse ó seu compañeiro de equipo, o valenciano Raúl Benita (AFT Turia 1981). Un partido moi difícil para o galego, no que a pesar do seu bo xogo, caeu derrotado por 3-0. No segundo partido, tivo que enfrentarse ó maiorquín David Somoza (Mallorca Aguilas). Un partido cheo de imprecisións, no que a pegada do galego foi decisiva: victoria por 2-0 e o pase ós barrages no peto. O terceiro partido do grupo, foi entre Raúl Benita e David Somoza, vencendo o primeiro por un claro 5-1. Nos barrages, Santi R. Escudero, enfrontábase o tamén compañeiro de equipo, o Vicente Benita (AFT Turia 1981). O partido non tivo historia, xa que non se celebrou, xa que o galego viuse na obriga de abandonar a competición para non perder o avión de volta a Vigo. A mala planificación as veces xoga estes malos tragos.

Todos os resultados do torneo os podedes atopar en www.futboldemesa.com i en http://subbuteospain.mforos.com.

Noguera deixa o Real Murcia

Según aparece publicado na páxina do Real Murcia, o xogador murciano Juan Noguera foi traspasado ó ASD Reggio Emilia (Italia), equipo onde tamén milita o xogador español Carlos Flores. A pesar do gran plantel que ten o equipo murciano, ¿acusará esta baixa? O tempo o dirá. Máis información en http://realmurcia-cf.blogspot.com.
_

Juan Noguera, no centro da imaxe, no Mundial de Rotterdam 2009 coa selección española (Foto: Vincent Coppelone)

Comeza a nova tempada de Futbol de Mesa

O próximo sábado 19/09/2009, terá lugar en Madrid, no "Centro Comercial Mercado Puerta de Toledo", o I Torneo de Futbol de Mesa Porta de Toledo, e dará comezo ás 10:30 da mañá. O número de inscritos é moi elevado, xa que supera a treintena de xogadores, destacando a asistencia do xogador galego Santi R. Escudero (AFT Turia 1981). Desexámoslle a mellor das sortes ó noso representante.

Cartel do torneo

Este torneo, abre unha nova tempada cargada de novidades, sendo as principais, a creación da "Liga por Equipos" e a "Copa de España". Toda a información sobre este torneo e sobre o calendario da AFM, as podedes ver en http://subbuteospain.mforos.com i en http://futboldemesa.com respectivamente.

Blog do Palomar Ateneu de Sant Andreu Futbol Taula

Xa está disponible o blog do "Palomar Ateneu de Sant Andreu Futbol Taula" (Barcelona), onde nos falan de tódalas actividades realizadas polo clube. A dirección é a seguinte:

_

http://tablesoccerbarcelonapalomar.blogspot.com

Oro, plata e decepción no Mundial por equipos

O selección española Sub-19 proclamouse campeona do mundo despois de derrotar na final á selección de Alemaña por un axustado 2-1. É o terceiro ano consecutivo que a selección Sub-19 logra o campeonato. Por outra banda, a selcción española Veteranos, acadou o subcampeonato despois de caer derrotado con Italia por 2-1. A decepción chegou por parte da selección Open, que caeu derrotada por Italia en cuartos de final por un contundente 3-0. Os resultados completos, os podedes consultar en http://www.worldcup2009.eu/live.html.