XXVII Campionato de España - Fuente de Piedra (Málaga)

Xa chega o gran día. O XXVII Campionato de España de Fútbol de Mesa vaise celebrar o vindeiro fin de semana (14 e 15 de Febreiro) na localidade malagueña de Fuente de Piedra. O Pavillón Municipal, será o recinto que acolla a proba.

A lista definitiva de participantes das distintas categorías é a seguinte:

Open: Carlos Flores (Reggio Emilia), Alberto Mateos (Real Murcia), Ángel Valverde (Real Murcia), Emilio Murciano (Real Murcia), M.A. Heredia (Real Murcia), Piero Capponi (S.C: Madrid Total Soccer), Antonio Montaño (Tiburones FM), Abraham G. Pacheco (La Flota), Francisco Javier Marcos (La Flota).

Veteráns: J.C. Granados (Real Murcia), Ferrán Coll (Tiburones FM), Arturo Martínez (Perugia), Manuel Clemares (AFT Turia 1981), Fernando Gómez (AFT Turia 1981), Luis F. Méndez (Tiburones FM), Luis D. López (S.C. Madrid Total Soccer), Paco Molina (S.C. Madris Total Soccer), Vicenç Prats (Warriors Torino), M. Aguirregabiria (S.C. Madrid Total Soccer), José Manzanero (S.C. Madrid Total Soccer).

Sub-19: Marcos Álvarez (Tiburones FM), Juan A. Moreno Pérez (Tiburones FM), Juan Mendoza Soto (Tiburones FM)

Sub-15: David González, Alvaro Torres, José Javier Torres, Miguel Reyes, Sergio Borrego, Francisco Amador, "Migue" Tejada, Javier Moreno, Juanjo González, Sebastián Martín, Ana Jiménez, Carlos Rodríguez (tódolos xogadores son do Tiburones FM).
_

Sub-12: Raúl Jiménez, Manuel Fernández, Fernando Aguilar, Antonio Jesús Ruiz, Antonio Olmedo, José Carlos González, José Antonio Mateos, José Antonio Muñoz, Kiko Gamito, Jesús Rodríguez, Antonio Manuel Caro, Alejandro Portillo, Jesús Moreno, Hilario Jiménez, José Borrego, Alberto Martín, Emilio Borrego, Jorge Jiménez (tódolos xogadores son do Tiburones FM).

Lamentablemente, outro ano máis, quedaremos sen a participación de xogadores galegos, algo que ven sendo habitual nos últimos torneos da AFM.

Moita sorte a todos.

A web Vieiros faise eco do subbuteo

Eiqui tendes o enlace á páxina web de Vieiros, na que recentemente se fixo unha mención ó "Subbuteo", e en concreto a Subbuteo Galicia, o cal é un paso máis de cara a promoción do "Fútbol de Mesa" no noso país:

http://www.vieiros.com/nova/78158/futbol-de-mesa-a-outra-seleccion-galega

Gracias a Vieiros por lembrarse de nos.

Trocos na directiva da FISTF

A semana pasada, despois do Congreso Extraordinario da FISTF celebrado en Frankfurt (Alemaña) producíronse trocos na directiva da FISTF, xa que a actual directiva dimitiu. Os novos dirixentes son:

Presidente: Silvio Catania.

Vicepresidentes: Stefano De Francesco, Laurent Ganier, Alan Collins, Piero Capponi, Leonidas Koutrumanos .

Secretario do Board: Stefanio Tagliaferri.

A nova directiva, estará as ordes da FISTF ata o vindeiro mes de Setembro, data na que se convocarán eleccións.

O Fútbol Chapas colle forza en Ourense

Ourense volve estar de noraboa despois da celebración da segunda xornada da "1ª Liga Galega de Fútbol Chapas Ourense 2009-2010". O Fútbol Chapas, está tendo unha boa acollida na cidade das Burgas. Oito son, polo momento, os integrantes da competición. Despois da segunda xornada de liga, Millán Brea e Sergio Matín, lideran a clasificación con duas victorias no seu casilleiro. Toda a información sobre esta actividade a podedes atopar en http://chapasourense.blogspot.com/.

Galicia, ano 1982: nace o Folerpa

Artigo publicado no número 3 da revista Subbuteo Flash en Maio de 1982,

no que se fala da aparición do clube coruñés FOLERPA

A Coruña: corre o mes de Maio e 1982, cando uns rapaces deciden montar un clube de subbuteo, o FOLERPA.

O dato que estabamos a buscar dende hai algún tempo, por fin está nas nosas mans (gracias a Luis F. Méndez), e podemos falar da existencia dun clube galego inscrito na AES (os inicios da AFM). O FOLERPA, estaba formado no momento da súa inscripción na AES, por 96 socios, o que pode falar das dimensión que tiña o subbuteo en Galicia e en España. O número de clubes afiliados á AES por aqueles tempos rondaba os 60. Como comparación, hai que dicir que actualmente (depois do último ranking da AFM publicado), o número de xogadores inscritos na AFM é de 124, e o número de clubes é de 10. Con isto, podemos ver, que os socios do clube coruñés FOLERPA nos anos 80, eran casi os que ten hoxe en día a AFM, e o número de clubes da AES chegou á centena, multiplicando por 10 o que temos hoxe en día.

Dous dos socios do clube FOLERPA, eran Antonio Alvarez y Jose Sangiao, representantes galegos no campionato de España que se celebrou ese mesmo ano. Destacar que Antonio Álvarez contactou con nos fai uns días, o cal lle agradecemos, e seica lle ronda na cabeza a idea de voltar á competición. Dende aquí animámoslle a tomar esa decisión, xa que podería ser unha gran aportación para o subbuteo galego. ¿Qué foi do FOLERPA e do resto dos seus socios? Queremos facer un chamamento ós socios daquel clube, para animalos a contactar con nos en subbuteogalicia@gmail.com, e por qué non, que volten á competición.

Torneo Prat: Carlos Flores e Real Murcia, outra vez campións

Como ven sendo habitual nos torneos da AFM, o murciano Carlos Flores (Reggio Emilia) e o Real Murcia fixéronse co triunfo na categoría Open e na categoría Equipos respectivamente, no torneo celebrado a pasada fin de semana na localidade catalana de El Prat de Llobregat.

Carlos Flores desfíxose na final do tamén murciano Ángel Valverde (Real Murcia), non sen dificultades,xaque o partido decidiuse na prórroga cun gol de ouro de Carlos Flores,sendo o resultado final un axustado 3-2. Os semifinalistas foron os tamén murcianos Alberto Mateos (Real Murcia) e J.C. Granados (Real Murcia).

A categoría por equipos, disputouse en forma de Liguilla,coa participación dos equipos Real Murcia, AFT Turia 1981, S.C. Madrid Total Soccer, Tiburones FM y Barcelona FT. O campeón foi o Real Murcia, que gañou tres partidos e empatou fronte o único equipo que lle plantou cara (á vista dos resultados), o AFT Turia 1981, que sería o subcampeón do torneo. O terceiro clasificado foi o clube malagueño Tiburones FM.

Tódolos resultados e máis información en http://www.futboldemesa.com/.

Gústache o Fútbol Sala? Pois xógao na casa!!

O Fútbol de Mesa segue medrando, e como non podía ser doutra maneira, chega da man de Total Soccer, a versión en miniatura do Fútbol Sala, o Total Soccer Futsal. O "pack" ven coa selección española e a selección brasileña. Así que xa sabedes, tódolos amantes do Fútbol Sala, e os afeccionados dos equipos galegos Lobelle Santiago e Azkar Lugo (por nomear os equipos galegos máis representativos neste momento), non podedes deixar escapar esta oportunidade. Polo que puidemos comprobar, atópase á venda con toda seguridade en Carrefour (polo menos en Vigo), o que non vos podemos dicir é o precio, pero de seguro que rondará os 30 € máis ou menos.

Vindeira cita: El Prat de Llobregat

O vindeiro fin de semana, 16 e 17 de Xaneiro, disputarase na localidade catalana de El Prat de Llobregat, un novo torneo puntuable para o ranking da AFM. Haberá tanto competición individual (o sábado 16) como por equipos (o domingo 17). Como ven sendo habitual nos últimos torneos, a participación pode superar tódolos records, xa que a día de hoxe, o número de xogadores inscritos está por riba da treintena. Ademáis, teremos o debut dos xogadores do Palomar FT, facendo asi, que todo o traballo que levan desenrolando nos últimos meses, teña a sua recompensa. Para tódolos interesados, a inscripción quedará pechada o vindeiro 12 de Xaneiro, e para face-la mesma, tendes que contactar con J.L. Márquez a través do e-mail josephboston@orangemail.es. Para máis información sobre horarios e lugar de celebración do torneo, visitade http://barcelonafutboltaula2008.blogspot.com/.

Subbuteo Marbella

Outra gran nova para o Fútbol de Mesa chega á nosa "redacción". Comeza a moverse xente de Marbella para xogar o Fútbol de Mesa. Tódolos interesados en contactar coa xente de Marbella, visitade o seu blog http://subbuteomarbella.blogspot.com. Benvidos a este "gran" pequeno mundo.

Xa estamos no 2010...

Feliz ani novo a todos!

Non hai marcha atrás, o 2010 xa está aqui. Dende Subbuteo Galicia tentaremos seguir coa mesma ilusión coa que estivemos ata agora, para seguir fomentando o Fútbol de Mesa no noso país. Os primeiros pasos parece que están dando o seu fruto, e nalgúns lugares de Galicia xa se comeza a xogar a este maravilloso deporte.

Queremos lembrarvos, que temos en marcha unha nova sección neste blog, "Cóntanos a túa experiencia", na que pedimos a tódolos galegos, que nos contedes a vosa experiencia co Fútbol de Mesa (se sodos novos, se levades tempo xogando, se mercastes o Total Soccer...), e para iso, pregámosvos que nos enviedes algunha foto xogando (con permiso para publicala) ó e-mail subbuteogalicia@gmail.com.

Tamén queremos lembrar, que se tedes interese no xogo, non dubidedes nin un intre, e poñédevos en contacto con nos, estaremos encantados de resolver tódalas vosas dúbidas.

Un saudo a todos.