20 anos de Subbuteo en Portugal

A Asociación Portuguesa de Subbuteo (APS), ven de cumplir 20 anos adicada totalmente á práctica e ó fomento do noso deporte. 

Con tal motivo, celebrouse un torneo conmemorativo, sendo os finalistas do mesmo Sergio Ramos e Rubén Portugués. Mási información sobre o mesmo no Facebook.

Parabéns, e que sexan moitos máis!!

Resultados do Campionato de España (Estepa - Sevilla)

Esta fin de semana, se disputou o Campionato de España de Fútbol de Mesa na localidade sevillana de Estepa, como xa ven sendo habitual.

Na categoría Open, o vencedor foi Ángel Valverde, despois de derrotar ó seu "maestro", Juan Carlos Granados, por 1-0.

Na categoría Veteráns, o vencedor foi Juan Carlos Granados, que derrotou 4-1 a Luis D. López.
En Sub-15, Antonio Casín desfíxose na final de Jesus Moreno.
No que se refire á IV Copa de España, o campión foi Antonio Casín, que derrotou a todo un veterán deste deporte como é Vicenç Prats.

Máis información e actualización de resultados no Facebook da AFM ou na web da AFM.

Nova directiva na FISTF

A FISTF, ten unha nova directiva, encabezada polo portugués Luis Filipe Horta. Desexámoslles un mandato tranquilo e sobre todo, cheo de boas intencións para o noso querido deporte.

Boas festas!!

Nicetrip, guiño ó Subbuteo

A firma coruñesa Nicetrip, capitaneada por Antón Lezcano, ven de facer un guiño máis que interesante ó Subbuteo. O motivo do mesmo, non é outro que homenaxear ó primeiro galego nado no 2012, Xián Rodríguez Viñas, que se da a casualidade, de que é o fillo do que escribe... cousas da natureza.

Agardamos que vos guste a imaxe que vos presentamos, e que Nicetrip inclúa nos seus deseños de camisetas algún deseño semellante para disfrute de todos. Ademáis, poderíamos proporlle que faga este deseño extensible a calqueira que o desexe... seica a algún aficcionado ó Subbuteo faríalle verdadeira ilusión (ainda que igual con outro equipo, non?).

O deseño co Celta de Vigo

Caixa e autocolante para caixa dos equipos galegos de primeira división

O subbuteo galego está de noraboa... Xa podedes adquirir artigos personalizados cos deseños dos equipos galegos de fútbol da primeira división, como son o Celta de Vigo e o Deportivo da Coruña. En concreto, trátase dunha caixa para gardar as figuriñas de subbuteo, así como autcolantes para poder facer a túa propia caixa na casa. A tenda que os vende, é Subbuteo World. Estamos á espera de que fagan a reproducción das figuriñas de ámbolos dous equipos, como fixeron en tempadas anteriores. Déixovos a imaxes:

Caixa do Celta de Vigo

Autocolantes para caixa do Celta de Vigo

Caixa do Deportivo da Coruña

Autocolantes para caixa do Deportivo da Coruña

Torneos provinciais da tempada 2012/2013

Como xa é habitual nestas datas, comezan a disputarse os distintos torneos provinciais dentro do circuito da AFM. Lamentablemente, Galicia quédase sen acoller ningún campionato no seu territorio ó non ter o número de xogadores necesarios para celebrar un torneo provincial.

Podedes seguir toda a informaciñon sobre os torneos das distintas provincias do territorio nacional na web da AFM.

Resultados Torneo Nacional Villa de Mislata

O torneo Nacional Villa de Mislata, abriu a pasada fin de semana, a tempada oficial da AFM. Os resultados das distintas finais foron os seguintes:

OPEN: Raúl Benita vence a Vicenç Prats

VETERÁNS: Juan C. Granados vence a Vicenç Prats

SUB19: Jesús Moreno vence a Alberto Martos

EQUIPOS: Real Murcia vence a Turia AFT

CONSOLACIÓN: Carlos Martínez vence a David González

Pola parte que toca a Subbuteo Galicia, felicitar a tódolos vencedores, pero especialmente a Raúl Benita, xa que volve gañar un torneo despois dalgún tempo e demostra que é un xogador a ter moi en conta nesta tempada.

Para máis información, resultados completos e fotos, visitade a web da AFM.

Mislata, punto de partida da tempada 2012-13 da AFM

O vindeiro fin de semana (22 e 23 de setembro), celebrarase o "Torneo Nacional Villa de Mislata", no pavillón "El Quint" da mencionada localidade valenciana. A organización corre a cargo do AFT Turia 1981, e do concello de Mislata.

Con este campionato, iníciase a loita polo ranking da AFM, tanto a nivel individual como por equipos.

Traspasos tempada 2012-2013

A tempada 2012-2013 de Fútbol de Mesa está a piques de comezar. Como tódolos anos, estanse a producir movementos dentro dos equipos pertencentes á AFM:

Piero Capponi (ITA), Jose Carlos Guerrero, Sergio Ramos (POR), Ricardo Pavao (POR) e Jose Ros, deixan o Subbuteo Club Madrid. Piero, Jose Carlos e Sergio reforzarán o Subbuteo Club Grosetto (ITA), mentres que Jose Ros volve á súa casa, o Real Murcia e Ricardo retorna ó seu país, para xogar no Grupo Recreativo e Dramático 1º Maio Tires (POR).

O Real Murcia, perde a dous grandes xogadores, como son Alberto Mateos en Ángel Valverde. O primeiro marcha para o SC Fiamme Azzurre CM (ITA), e o segundo para o CCT Roma (ITA), ademais de Darren Clark (ING), que ficha polo ASTC Sessana 1982 (ITA).

Por outra banda, o AFT Turia 1981, perde a Jaime Silva (POR), que fichou polo Grupo Recreativo e Dramático 1º Maio Tires (POR) e o Tiburones FM a Jonh Field, que ficha polo Gibraltar TSA (GIB).