O Subbuteo en videoxogo

Seguimos a facer un pouquiño de historia sobre o noso querido Subbuteo e, neste caso, falaremos das incursións do xogo tanto en PC como en consola (a NDS).

A primeira aparición do Subbuteo en forma de videoxogo, foi a principios dos anos 90, e podíase xogar nas distintas plataformas existentes na época (hoxe en día en desuso, ainda que no "mundillo" retro son moi apreciadas e poden emularse nun PC por medio dos emuladores correspondentes), como eran o Spectrum, o Commodore 64, Amstrad o Amiga, e tamén en PC. O xogo facíase moi lento e incluso pesado, pero estaba bastante ben logrado.

Portada do xogo para a plataforma Amiga

Contra-portada do xogo

Algúns pantallazos do xogo

A seguinte incursión en video xogo, foi por medio das míticas "maquinitas" no ano 1994. Pouco podemos dicir sobre este xogo, xa que nunca chegou ás nosas mans.

Unha imaxe desta "xoia"

A incursión máis recente comercializada é a do xogo para a consola Nintendo DS, que saliu á venda no ano 2008. Uns gráficos interesantes, e unha sinxela forma de xogar, pero que ainda así non chega ó encanto que ten xogar unha boa partida de Subbuteo cos amigos nun "tapete" e con figuriñas en condicións.

Portada do xogo para a Nintendo DS

Pantallazo do xogo para Nintendo NDS

Dende fai alguns anos, pódese xogar na web a un xogo chamado "Superbúteo", basado no Subbuteo, ainda que con algunha diferencia. Gráficamente é o mellor de todos, ainda que nas reglas non se semella moito ó Subbuteo real. Pódese xogar a través do seguinte enlace: http://www.mundijuegos.com/multijugador/superbuteo/.

Un par de pantallazos do Superbúteo

Se tedes a oportunidade de xogar a algún deles, disfrutádeo, ainda que nunca vai ser o mesmo que xogar unha partida real.

Resultados do I Torneo Nacional cidade de Llucmajor (Mallorca)

O Real Murcia proclamouse campión na categoria por equipos, sendo o subcampión o AFT Turia 1981. A final foi moi disputada, e só a diferencia de goles, decantou o torneo para o equipo murciano, xa que ó final do partido o resultado foi 1-1 (os murcianos marcaron un gol mais que os valencianos no cómputo global).

Na categoróa veteranos, a final entre os catalans Arturo Martinez (Perugia) e Vicenç Prats (Warriors Torino), decantouse para o "guerrero" Prats (4-2).

A categoría Open, foi para o de sempre, Carlos Flores (Reggiana), que gañou na final (que se leva repetindo nos últimos torneos) a Angel Valverde (Real Murcia) na prórroga (2-1).
Na categoria Sub-15, o vencedor foi Miguel López (Mallorca Aguilas FM), que derrotou na final a Sergio Fernandez (Mallorca Aguilas FM) por 2-0.

Aspecto das instalacións onde se celebrou o torneo (Foto: Mallorca Aguilas FM)

Foto de familia dos participantes do torneo (Foto: Mallorca Aguilas FM)

"Escolinha de Futebol de Mesa" en Portugal

Da man de Luis Filipe Horta, chegan o blog "A Tribo do Pirapote" e a web "Escolinha de Futebol de Mesa". Nestas dúas páxinas, foméntase o Fútbol de Mesa no pais luso, e ademáis, unha delas está especialmente feita para promocionar as demostracións de "Subbuteo" que se faran periódicamente. Bravo por esta iniciativa!!

http://tribodopiparote.blogs.sapo.pt/

http://apsubbuteo.home.sapo.pt/EFM/home.html

Mallorca quenta motores

Xa queda menos para o esperaísimo torneo nas Illas Baleares, en concreto na localidade mallorquí de Llucmajor, os días 24 e 25 deAbril. O pavillón da citada localidade, acollerá o torneo, o cal será organizado polo clube local, o Mallorca Aguilas, ó que lle desexamos a maior das sortes.

Podedes obter toda a información sobre o mesmo en http://mallorcaaguilasfutbolmesa.blogspot.com/.

O Mundial da FIFA chega no Total Soccer

Déixovos un enlace, no que poderedes ver os himnos dos distintos países que participarán no vindeiro Mundial da FIFA, representado coas figuriñas de Total Soccer. Agora so falta que os distintos packs i equipos invadan as estanterías das xogueterías para poder facer o noso mini-mundial!!

http://www.youtube.com/user/TOTALSOCCERNEW#p/c/E9C7A14EBC8D58C4/0/Mz646X2b6ow

A FISTF troca a competición europea de clubes

A FISTF acaba de modificar a competiciaón europea de Clubes. Ata este ano, a Copa de Europa de CLubes, era o máximo trofeo co que se podia facer un club a nivel internacional. A partires da vindeira tempada, as cousas van trocar un pouco: créanse a Champions League e a Europa League. Os criterios para clasificarse para as mesmas, son similares os da UEFA Europa League e da UEFA Champions League, ainda que con algunha variación lóxica. Con isto, ábrense as portas da competición europea, a moitos equipos que polo de agora non tiñan opcións de acudir. Máis información en http://www.fistf.info/?q=node/139.

O xornal "La Voz de Galicia" faise eco da actividade de Ourense

Eiqui tendes o pequeno recorte de prensa que se publicou o día 30 de Marzo no xornal "La Voz de Galicia", e no que se fai referencia á actividade de Fútbol Chapas e Fútbol de Mesa, na sua edición en Ourense. A nova ten un erro, xa que Santi R. Escudero non é campión galego nin moito menos, simplemente é o único galego inscrito na AFM.

Boa acollida do Fútbol de Mesa e do Fútbol Chapas en Ourense

As mellores expectativas cumpríronse na actividade conxunta entre o Fútbol Chapas e o Fútbol de Mesa que se celebrou en Ourense estes días (29 e 30 de Marzo). Como representante do Fútbol Chapas, estivo Millán Brea, organizador da actividade, e polo Fútbol de Mesa, estivo Santi R. Escudero (AFT Turia 1981).

Na primeira xornada, foron perto de 10 os nenos que se acecaron ata as instalacións da Casa da Xuventude da cidade de Ourense para disfrutar de ámbolos dous xogos.

O día seguinte, a sorpresa foi maiúscula, cando apareceron perto de 20 nenos, e o mellor de todo, e que algún chegaba para repetir a experiencia que xa vivira o día anterior. O interese mostrado polos dous xogos foi enorme, e as gañas e a emoción coa que cantaban os goles, era sinal de que estaban a pasalo en grande.

O local da Casa da Xuventude ateigado de nenos

Os nenos atendendo as explicacións de Santi R. Escudero

A Asociación Xuvenil "Amencer", foi a encargada de achegar a tódolos nenos ata a actividade, e foi agasallada, gracias a Total Soccer (o que novamente lle agradecemos a sua colaboración na actividade), cuns sets de xogo e uns equipos, para que os nenos podan seguir disfrutando do Fútbol de Mesa.

Os nenos e os monitores de "Amencer" con Santi R. Escudero e os agasallos de Total Soccer

NOTA: Por razóns de tipo legal, e tendo en conta como está o tema dos menores, este blog decidiu tapar, na medida do posible, as caras dos nenos.

Novo presidente da AFM

Aproveitando a celebración da primeira xornada da LEFM, celebrouse o Congreso Extraordinario da AFM, donde foi confirmado como presidente da mesma Piero Capponi, o único candidato oficial á mesma. Desexámoslle a maior das sortes nesta andaina.

Clasificación despois da primeira xornada da LEFM

Acaba de rematar a xornada de ida da LEFM, e salvo algunha sorpresa, os resultados e a clasificación foron os agardados. Así, o Real Murcia gañou tódoo seus partidos, sendo o AFT Turia 1981 o único que lle puido plantar cara, e o Barcelona FT, non foi que de sumar ningún punto no seu casilleiro. O equipo revelación, foi o Mallorca Aguilas, que foi quen de colocarse cuarto na clasificación, despois de derrotar contra todo pronóstico ó S.C. Madrid Total Soccer, que acusou a baixa de Maxim Aguirregabiria. Con todo, eiqui está a clasificación xeral:

1- Real Murcia....................................18 ptos

2- AFT Turia 1981...............................15 ptos

3- Tirubones FM..................................12 ptos

4- Mallorca Aguilas.............................. 7 ptos

5- S.C. Madrid Total Soccer................. 6 ptos

6- Gibraltar AST.................................. 4 ptos

7- Barcelona FT................................... 0 ptos

A xornada de volta, disputarase en Madrid os días 15 e 16 de Maio, pero despois do visto na primeira xornada, o Real Murcia ten a liga no peto, xa que o AFT Turia 1981, deberia derrotalo por 3-0 coma mínimo, para igualar o resultado da ida, sempre e cando, este partido sexa o decisivo para decidi-lo campionato.