O xogador da semana: Vincent Coppenolle

O xogador que nos vai acompañar durante toda esta semana, será o primeiro xogador extranxeiro, en concreto de Bélxica, que temos na lista. Ainda que cun palmarés nulo en canto a triunfos, este belga, foi ata fai pouco o presidente da FISTF.

Nome: Vincent Coppenolle

Data de nacemento: 1974 (Tournai, Bélxica)

Ano de iniciación no Fútbol de Mesa: 1989

Clubes: Templeuve United (1989 ata agora)

Ranking nacional: 42 (Bélxica)

Ranking internacional: 180

Palmarés: 4 veces subcampión dun FISTF Satellite

Se queres formar parte desta sección, manda os teus datos a subbuteogalicia@gmail.com.

Calsificación final do Ranking da AFM 2009/2010

Chegado o fin da tempada de Fútbol de Mesa 2009/2010, xa está disponible a clasificación final do Ranking da AFM 2009/2010.

Na categoría Open, o vencedor final, foi, coma ven sendo habitual, o murciano Carlos Flores (Reggio Emilia). Na categoría de Veteráns, outro habitual, e tamén murciano, Juan Carlos Granados (Real Murcia), Na categoría Sub-19, temos por primeira vez a outro murciano Pedro Ortín (Real Murcia). Xa, na categoría Sub-15, o vencedor foi o malagueño David González (Tiburones FM). Por Equipos, o vencedor final, foi o Real Murcia. Queda claro, que o domino do Fútbol de Mesa, é para a comunidade murciana, xa que agás na categoría sub-15, o resto das categorías están copadas por xogadores murcianos.

No que se refire a representación galega, o xogador vigués Santi R. Escudero (AFT Turia 1981), rematou na posición 61ª do Ranking en categoría Open, despois de puntuar nun único torneo. De seguro que de ter participado en máis torneos, a clasificación sería moito máis alta. Outro xogador que podemos incluir entre os galegos, é o mallorquin David Somoza (Mallorca Águilas), xogador de orixe galega (o seu avó emigrou de Galicia ata Mallorca), e que rematou na posición 32ª do Ranking en categoría Open, en na posición 21ª en categoría Veteráns. A tempada que ven, estes dous xogadores, serán seguidos moi de cerca dende este blog, e agardemos que nos den  máis dunha alegría, ainda que será moi difícil debido ó nivel dos seus rivais.

O xogador da semana: Fernando Gómez

Esta semana, o elixido para formar parte desta sección, non é outro que un dos máximos representantes do Fútbol de Mesa no noso país, non so polo tempo que leva sobre os campos de xogo, se non, porque ata fai moi pouco, era o presidente da AFM:

Nome: Fernando Gómez Salvador

Data de nacemento: 1964 (Valencia)

Ano de iniciación no Fútbol de Mesa: 1980

Clubes: Turia FM (1980-1997), Marítim Valencia (1997-1998), Valencia FM (1998-2002), Bologna Tigers (2002-2006), AFT Turia 1981 (2006 ata agora)

Ranking nacional: 14

Ranking internacional: 44 (veteráns)

Palmarés: subcampeón de España veteráns (2010), campión IO Murcia veteráns (2010)


Se queres formar parte desta sección, manda os teus datos a subbuteogalicia@gmail.com.

Resultados XXV Spanish IGP

Rematou a tempada do Fútbol de Mesa en España como no podía ser de outra maneira, co mellor torneo do panorama nacional, o Spanish IGP de Corbera, que este ano chegaba ás vodas de prata ó celebrar a sua vixésimo quinta edición.

Despois dun intenso fin de semana, por fin temos os resultados definitivos das distintas categorías:

Open: Carlos Flores (Reggio Emilia) 2 - Saverio Bari (Reggio Emilia) 1

(Foto: Jose Manzanero)

Veteráns: Emilio Richichi (Palermo) 1 - J.C. Granados (Real Murcia) 0 (partido decidido na prórroga con gol de ouro)

(Foto: Jose Manzanero)

Equipos: Real Murcia 3 - Mattersburg (Austria) 1

Máis información en http://www.futboldetaula.cat/.

Mercado de fichaxes

Os equipos comezan a coller posicións de cara a vindeira tempada, e comezamos a saber os primeiros movementos de xogadores. Os oficiais polo de agora son:

- Emilio Murciano deixa o Real Murcia, e ficha polo Tiburones FM.

- O Club La Flota SC, fichou a Isaac Garcia Orellana, que abandona o Madrid Total Soccer, e a Alan Crisp, procedente do Xibraltar TSA.

- Juan Noguera, regresa a casa, e despois dun ano no Reggio Emilia (Italia), volta ó Real Murcia.

- O equipo que mellor se está a reforzar polo de agora, é o Madrid Total Soccer, xa que fichou a Sergio Ramos e Ricardo Pavao, que sorprendentemente deixan o Lazio (Italia).

O xogador da semana: Carlos Flores

Iniciamos hoxe unha nova sección neste blog, na que semanalmente (sempre e cando teñamos os datos necesarios), iremos publicando a ficha dun xogador de Fútbol de Mesa, tanto nacional como extranxeiro, coa finalidade de dar a coñecer a toda a xente os integrantes deste pequeno mundo. Se queres formar parte desta sección, manda os teus datos a subbuteogalicia@gmail.com.

O noso primeiro "xogador da semana" foi escollido por méritos propios, xa que é o mellor xogador español dos últimos tempos.

Nome: Carlos Flores López

Data de nacemento: 13/01/1984 (Murcia)

Data de iniciación no Fútbol de Mesa: 1995

Clubes: Real Murcia (1995-2004), Bologna Tigers (2004-2008), Reggio Emilia (2008 ata agora)

Ranking nacional: 1º

Ranking internacional: 2º

Palmarés: campión de España sub-19 (2002), campión sub-19 do Major de Mons (2003), campión de España Open (2004, 2005, 2007, 2008, 2010) ,campión do World Master en Malta (2006), campión do Major de Mattersburg (2008), campión do Major de Mons (2009, 2010), campión do Major de Amsterdam (2009), campión da Serie A italiana por equipos (2009), campión del Major de Bologna (2010), subcampión do mundo sub-19 (Oporto 2001 e Malta 2003)

Chega o XXV Spanish IGP

Xa está eiqui!! O mellor torneo do panorama naiconal, chega a vindeira fin de semana (31 de Xullo e 1 de Agosto) a Corbera de Llobregat (Barcelona). Como tódolos anos, agárdase unha gran afluencia de xogadores e equipos de distintos paises (Italia, Grecia, Alemaña, Portugal,...), e non é para menos.

O Spanish IGP, chega a súa vixésimoquinta edición, cumprindo asi as vodas de prata. Tódala información sobre o mesmo, a podedes atopar na web do Catalunya FT: http://www.futboldetaula.cat/.

Vicente Benita campión da Copa de España - Memorial Diego Venegas

Vicente Benita (AFT Turia 1981) foi o vencedor da primeira edición da Copa de España - Memorial Diego Venegas, que se celebrou a pasada fin de semana en Barcelona.

Emotivo momento da Copa de España, coa presenza dos familiares

 do falecido Diego Venegas (Foto: http://madridtotalsoccer.blogspot.com/)

O xogador valenciano, derrotou na final ó catalán Maxim Aguirregabiria (Madrid Total Soccer), por un axustado 2-1. Lamentar a baixa afluencia de xogadores, e sobre todo, botáronse en falta ós xogadores murcianos, e máis nunha cita na que se rinde homenaxe a un dos grandes do Fútbol de Mesa nacional, e que por desgracia xa non está entre nos. Tampouco houbo presenza galega, algo ó que, por desgracia, xa estamos afeitos.

Vicente Benita recollendo o trofeo de campión (Foto: Jose Manzanero)

Copa de España individual - Memorial Diego Venegas

Esta fin de semana, o sábado 3 de Xullo, disputarase en Barcelona, a Copa de España Individual - Memorial Diego Venegas. Esta competición de nova creación, vai servir coma homenaxe o grandísimo xogador Diego Venegas, que desgraciadamente faleceu o ano pasado. En canto teñamos máis información vola faremos saber.

"A NOSA TERRA" interésase polo Fútbol de Mesa

Este xoves 1 de Xullo, publicouse no xornal semanal "A NOSA TERRA", unha entrevista ó xogador de Fútbol de Mesa, Santi R. Escudero. Agardemos que vos guste, e sobre todo, que sirva de promoción para o Fútbol de Mesa na nosa terra.

A vindeira semana, poderase descargar a través do seguinte enlace: http://www.anosaterra.org/seccion/semanario/.