Visitas

sábado, 28 de noviembre de 2015

Resultados II Torneo Manolo Preciado (Cantabria)



Os pasados 7 e 8 de novembro, celebrouse en Pélagos (Cantabria), o II Tornao Manolo Preciado. O torneo dividiuse en dúas competicións, unha para o día 7 e outra para o día 8.
O día 7 disputáronse as categorías Open, Veteráns e Sub-12, que dando para o día 8 a categoría Open absoluta e Sub-12.

O plantel do S.C. Mótoles presente na xornada do sábado

Despois de dous anos, un torneo nacional volveu ter participación galega, xa que na xornada do sábado, o vigués Santi R. Escudero (Subbuteo Club Móstoles), participou na categoría Open. Non obtivo os resultados agardados, xa que foi eliminado na fase de grupos, despois de empatar 0-0 contra Jaime Junquera (Subbuteo Club Manolo Preciado) e perder 3-0 contra Julio Candelas (Moralzarzal S.C.). Jaime Junquera tamén perdeu 3-0 contra Julio candelas, polo que o pase á seguinte rolda, tivo que xogarse nos penaltis entre o galego e o asturiano, tendo máis acerto o asturiano. Santi R. Escudero pasou entón á fase de consolación, donde despois de empatar 0-0 con Javier Junquera (S.C. Manolo Preciado), volveu caer na tanda de penaltis, o que puxo fin a unha pobre participación do galego.

 
 Santi R. Escudero defendendo o ataque de Jaime Junquera

Polo se se refire ó resto de resultados, o campión Open foi Alberto Villalobos (S.C. Móstoles), que derrotou a Nacho Martínez (Subbuteo Club Madrid). Na categoría Veteráns, Vicenç Prats (Tiburóns FM), despois de derrotar a Antonio Montaño (Tiburóns FM) e na categoróa Sub-12, o triunfo foi para Javier Junquera Junior (S.C. Manolo Preciado), que derrotou nos penaltis a María Muñoz (S.C. Móstoles).


Os triunfadores do torneo, Vicenç Prats (esquerda) e Alberto Villalobos (dereita)

Na xornada do domingo, o triunfo na categoría Open foi para Vicenç Prats (Tiburones FM), que derrotou na final a Antonio Montaño (Tiburones FM) despois da tanda de penaltis. Na categoría Sub -12, desta vez, foi María Muñoz (S.C. Móstoles), que derrotou a Mario del Rio nos penaltis.

Máis información na web da AEFM.

sábado, 31 de octubre de 2015

II Campeonato de Subbuteo Manolo Preciado - Cantabria

 
O vindeiro fin de semana (7 e 8 de novembro), celébrase en Piélagos (Cantabria), o II Campeonato de Subbuteo Manolo Preciado, organizago polo clube local, o Club de Fúbol de Mesa Manolo Preciado.


 
O sábado día 7 de novembro, celebrarase un torneo individual en categorías Open, Veteráns, Sub-12, Sub-15 e Sub-19, quedando para o domingo 8 de novembro, outro torneo individual de categorías Open e Sub-12.
Desta vez, o Fútbol de Mesa galego está de noraboa, xa que contará coa participación do xogador galego do Subbuteo Club Móstoles, Santiago R. Escudero, que reaparece depois de casi dous anos ausente da competición. Agardémoslle a mellor das sortes.

 

Máis información na web do torneo.

jueves, 22 de octubre de 2015

Champions & Europa Leagues 2015


Esta fin de semana, chegan a competicións de clubes europeas, tanto a Champions League, coma a Europa League. A competición, dispútase na localidade blega de Frameries.
Os representantes españois serán Tiburones FM e CAP Ciudad de Murcia FM. Desexámoslles a mellor das sortes.
Toda a información na web oficial.

sábado, 3 de octubre de 2015

Celta de Vigo 8

Esta foi unha semana propicia para a adquisición de equipos de Subbuteo relacionados co Celta de Vigo. 
Nesta ocasión, o equipo que presentamos, corresponde a un coleccionable á venda en Italia, que se chama Subbuteo La Leggenda Vintage Edition, e reproduce a equipos de todo o mundo que marcaron unha época. No caso do Celta, refírese á época dourada do clube vigués, a tempada 2000/01 na que acadou o se único título, a Copa Intertoto, e o primeiro posto na clasificación da IFFHS. Agardemos que vos guste.




miércoles, 30 de septiembre de 2015

Celta de Vigo 7

Un novo equipo de Subbuteo co Celta de Vigo como protagonista, chegou ás nosas mans. Neste caso, trátase da caixa da marca Subbuteo Borrás dos anos 80 en perfecto estado de conservación e moi difícil de conseguir. Agardemos que sexa do voso agrado:



IV Open Internacional de Estepa


Esta fin de semana (3 e 4 de outubro), dispútase o IV Open internacional de Estepa (Sevilla). Agardemos que sexa un éxito tanto a nivel competitivo como organizativo.
Toda a información sobre o torneo na web oficial.

Mundial FISTF: España conquista Italia

A selección española de Fútbol de Mesa, ven de conquistar o campionato do Mundo a FISTF, disputado en San Benedetto del Tronto (Italia) os pasados 11, 12 e 13 de setembro.
A delegación española, conquistou o título de campiona do mundo por equipos tanto en categoría Open, como en categoría Veteráns, ademáis dos títulos individuais de Carlos Flores na categoría Open e de David González en categoría Sub-19. A actuación española pódese calificar de sobresaínte, con grandes actuacións a tódolos nivéis.
Parabéns a tódolos integrantes da selección española polos éxitos acadados.

Integrantes da selección española

David González e Carlos Flores posan cos seus trofeos de campións

A selección española posa cos seus trofeos

Final individual Open, co español Carlos Flores como protagonista


domingo, 6 de septiembre de 2015

O Celta de Vigo protagonista no Subbuteo Blog



O blog italiano de Subbuteo, Subbuteo Blog, faise eco do Real Culb Celta de Vigo, nun artigo no que se fala un pouco sobre o clube referíndose á camisola, o escudo, etc. Faise referencia tamén ó equipo da tempada 2000/01, no que o Celta de Vigo acadou o posto número un da IFFHS.
Ademáis, tamén se poden ver imaxes de distintas re´plicas de Subbuteo do Real Club Celta de Vigo.
Podedes ler o artigo completo en Subbuteo Blog.

Mundial FISTF 2015


Chega setembro, e chega o inicio con maiúsculas da tempada subbuteística coa celebración do Mundial FISTF 2015. 
Os vindeiros 11, 12 e 13 de setembro, terá lugar, na localidade italiana de San Benedetto del Tronto, unha nova edición do mundial de fútbol de mesa, no que a selección española, agarda obter uns bos resultados, como xa ven sendo habitual. Os convocados para tentar lograr o título na categoría Open son so seguintes:

Carlos Flores
Juan Noguera
Ángel Valverde
Miguel Ángel López
Alberto Mateos
David González
Luis Mateos

Tosa a información do mesmo, a poderedes atopar na web oficial.

domingo, 23 de agosto de 2015

"Brico Subbuteo": Constrúe o teu mini-campo de Subbuteo na casa

Aproveitando o parón veraniego, e para ter ocupado o tempo libre nas nosas vacacións, imos facer o noso propio mini-campo de Subbuteo na casa. Necesitaremos:

1 taboleiro de 90x50 cm
2 listóns de 90x4 cm para os lateráis do campo
2 listóns de 17x4 cm para os fondos do campo
1 rotulador "Edding" branco
1 tapete autocolante "Alkor Venilia" 100x45 cm (véndese nas papelerías por metro, sendo o ancho de 45cm)
1 bote pequeno de pintura plástica
2 porterías (as que cada un teña dispoñibles)

Os pasos a seguir son os seguintes (algúns son demasiado obvios, pero os poñemos igual)

1- Ensamblar os listóns e o taboleiro (eu utilicei únicamente puntas, pero recomendo utilizar como reforzo algo de cola). Os listóns de 90x4, irán nos lateráis do campo, e os de 17x4 nos fondos, deixando un espazo detrás das porterías. Se quederes, podedes aproveitar pintar o taboleiro e os listóns antes de poñer o tapete (eu o fixen no paso 5).


2- Pegar o tapete autocolante no taboleiro. Debido ó ancho do tapete, a mellor opción é cortalo á metade, e facer dous trozos de 50x45, quedando a unión xusto na metade do campo.


3- Pintar as liñas de campo co rotulador Edding. Deixa 4cm de marxe con respecto ós laterais e 7,5cm con respecto ós fondos. Para o círculo central, eu usei un CD como plantilla.



4- Fai os buracos para fixar ás porterías no caso de que sexa preciso (podes facelo unha vez ensamblado o campo, tendo moito ollo coas medidas).



5- Pintade as partes visibles do taboleiro e os listóns, tendo coidado de protexer o tapete.


6- Podedes añadir algún detalle para darlle máis realismo. No meu caso, eu optei por adhesivos que imitan a publicidade dun campo de fútbol.



Non agardedes un resultado de campo profesional, pero si un resultado óptimo para adestrar na casa e aprenderlles ós máis pequenos.

sábado, 16 de mayo de 2015

IV Copa de España - Talavera


A IV Copa de España, tivo lugar o pasado mes de abril, en concreto os días 25 e 26. O evento non pasou desapercivido por terras talaveranas, e contou coa presenza do alcalde e carios membros da corporación municipal.
Os resultados foron os seguintes:

OPEN: Miguel Angel López do Cap Ciudad de Murcia (reaparecía despoiss de 4 anos afastado da competición), vencendo na final a David González.

VETERÁNS: Antonio Montaño (Tiburones FM) que derrotou a Juan C. Granados.

SUB-15: Antonio García (Tiburones FM) venceu a Jorge Pinero.

SUB-12: Kristian Sylagiev fronte ol tiburón Fernando González.

CONSOLACIÓN: Antonio J. Casín (categoría SENIOR) e Sergio García (categoría INFANTIL)

EQUIPOS: CAP CIUDAD DE MURCIA derrotando a Tiburones FM

Máis información na web da AEFM.

GP España 2015 - Mallorca


Os pasados - e 10 de Maio, disputouse en Mallorca o GP de España de Fútbol de Mesa. Os resultados foron os seguintes:


CAMPIÓN OPEN: CHRISTIAN HAAS
SUBCAMPIÓN: JUSTYN LEROY

CAMPIÓN VETERANOS: ANTONIO MOMTAÑO
SUBCAMPIÓN: VICENÇ PRATS

CAMPIÓN SUB 19: ANTONIO GARCIA
SUBCAMPIÓN SUB 19: ESTEBAN GONZALEZ

CAMPIÓN CONSOLACIÓN: DANIEL SHEEN
SUBCAMPIÓN CONSOLACIÓN: LUIS F MENDEZ

CAMPIÓN EQUIPOS : TIBURONES FM
SUBCAMPIÓN EQUIPOS: C.A.P. CIUDAD DE MURCIA

Honorífico premio Siurell : TONI VIDAL

Mais información na web do torneo.

jueves, 19 de marzo de 2015

A plantilla do Real Club Celta de Vigo, asina a súa réplica

A plantilla do Real Club Celta de Vigo, asinou a réplica feita por MySubbuteo por encargo de un que escribe.
Teño que agradecer a colaboración desinteresada do xogador da primeira plantilla, David Costas, sen o cal non sería posible conseguir de novo este reto.




lunes, 9 de febrero de 2015

Real Club Celta de Vigo 2014-15, 2ª equipación

O que levamos meses agardando, por fin é unha realidade. A réplica do Real Club Celta de Vigo 2014-15 coa segunda equipación, xa está listo para chegar ás nosas mans. Un excelente traballo, coma sempre de MySubbuteo. Agardemos telo canto antes para levarllo ós xogadores e que poidan asinalo.








Celta de Vigo 6

Últimamente, a busca de equipos de Subbuteo que leven as cores e o nome do R.C. Celta de Vigo, é unha das nosas ocupacións.
Atopamos por casualidade, unha reproducción do R. C. Celta de Vigo, da casa Borras, de finais dos 80 ou principios dos 90. Agardemos que vos guste.



Voltamos a carga

Despois dun tempo sen actividade por diversos motivos, Subbuteo Galicia volta a carga. Lamentamos a falta de publicacións, pero non sempre se pode estar a todo o que un quere.
Nestes meses pasaron moitas cousas tanto a nivel nacional como internacional, xa que se disputaron diversos torneos pola xeografía española, así como as citas clave do panorama internacional: o mundial e as competicións europeas de clubes (Champions League e Europa League).
Para informaros de todos os acontecementos pasados, remítovos á web da AEFM.