Gustavo Souto, un trotamundos do fútbol

Gustavo Souto Sampedro, é un ex-futbolista vigués que conta cunha chea de equipos nas súas costas. Os seusinicios foron no C.D. Choco, pasando logo por equipos coma o Alondras C.F., U.P. Langreo, Racing de Ferrol, C.D. Guadalajara, S.D. Eibar, U.D. Logroñes ou o Auckland City F.C. (Nova Zelanda). Neste ultimo, quizáis é onde acadou o seu maior éxito deportivo, conquistando dúas Champions League de Oceanía, no 2013 e no 2015. A equipación usada nesta última, foi a que quixemos representar para facerlle una merecida homenaxe a este trotamundos do fútbol. Coma sempre, pintada a man.

Sergio Álvarez, o "gato de Catoira"

Unha das figuras do Real Club Celta de Vigo das últimas tempadas non é outra que o porteiro Sergio Álvarez. Canteirán sen moita sorte ata que acadou o seu sitio no primeiro equipo, facendo grandes tempadas e partidos memorables, coma o da victoria por 0-1 no Camp Nou. Ainda que este ano estase a ver eclipsado por Rubén Blanco, hai que dicir que Sergio Álvarez é un exemplo para tódolos canteiráns do Celta. Paciencia, perseverancia e traballo para acadar o seu sono, pódese dicir que son as súas señas de identidade. Pensamos que por todo iso e máis, merecía esta pequena homenaxe en forma de figuriña de Subbuteo. Totalmente pintada a man.

Ajax de Amsterdam, campión da Recopa de Europa 1986-87

Esta vez presentamos un equipo completo, o Ajax de Amsterdam que foi quen de gañar a Recopa de Europa na tempada 1986-87, da man de Johan Cruyff. Comezaban a destacar xogadores como Marco Van Basten, Denis Bergkamp, Frank Rijkaard ou Richard Witschge.
Equip pintado e personalizado totalmente a man. Agardemos que vos guste.

Rafihna, o re-retorno

Outro dos xogadores máis queridos polos siareiros celestes, non é outro que Rafniha Alcántara, o fillo dun do mellores xogadores que vestiron a celeste, Mazinho. Despois da tempada que xogou no Celta as ordes de Luis Enrique, deixou unha pegada moi grande nos corazóns celestes. Inesperadamente, o Celta conseguiu a súa fichase para esta tempada, aumentando as esperanzas dos siareiros de facer algo grande. Ainda que so puido xogar un partido fronte o Atlático de Madrid, quedou claro que o seu papel vai ser moi imprtante, e vai aportar grandes cousas ó euipo vigués.

Tamén quixemos facer unha homenaxe deste retorno, facendo a réplica de Rafinha en figuriña de subbuteo. Coma sempre, pintada totalmente a man.

Denis Suárez, un soño feito realidade

Cando Denis Suárez deixou ó Celta para fichar polo Manchester City, ainda era un rapaz de 17 anos. A crisis económica do equipo vigués, obligaron a vender aunha das perlas de A Madroa, coa intención de que algún día regresara. 8 anos mais tarde, e despois de pasar polo Barcelona, Villarreal, Sevilla e Arsenal, o Real Club Celta de Vigo cumpriu un dos soños que levaba perseguindo dende que Denis abandonou o Celta: o seu ansiado regreso.

A pesar de levar simplemente 5 partidos co equipo vigués, claro está que é un xogador que vai dar moitas alegrías e que desprende unha calidade inmensa.

Dende aquí, a nosa homenaxe en forma de figuriña de Subbuteo, coa segunda equipación do Celta para esta tempada 2019-20.

(Foto: Faro de Vigo)

Jimmy Hagan, o norirlandés con sangue celeste

Jimmy Hagan chegou ó R. C. Celta de Vigo na tempada 86-87 procedento do Birminghan City (Inglaterra), permanecendo no equipo ata a tempada 88-89, fichando polo Larne (Irlanda do Norte) o equipo que o viu nacer futbolísticaente. Nese pequeno período de tempo, deixou os destellos da súa calidade e converteuse nun xogador moi carismático e moi querido polos siareiros do Celta.

Un gran coleccionista de equipacións do celta, encargoume esta figuriña para que lle chegara como agasallo ó protagonista, e vaia se lle chegou...

Pape Cheikh recibe a sua figuriña

O novo xogador do Real Club Celta de Vigo, Pape Cheikh, recibiu a réplica de Subbuteo gacias a un dos maiores coleccionistas de camisetas do Celta. A pesar de que a figuriña foi pintada fai máis dun ano, non se ll puido entrgar ata agora por mor da súa marcha ó Lyon. Co seu regreso acadouse o obxetivo. Un orgullo ver as nosas creacións nas mans dos protagonistas.

Carlos Pita e Iriome (C.D. Lugo) reciben a súa réplica

Os xogadores do Club Deportivo Lugo, recibiron como agasallo pola permanencia na Liga 123, unha réplica de Subbuteo totalmente pintada aman. É un placer poder entregarlle ós xogadores as súas figuriñas e seguir fomentando o noso pequeno deporte.

Figuriñas personalizadas

Como agasallo de cumpreanos para unha parella de amigos, decidin facer unhas figuriñas personalizadas. Para el unha figuriña dun dos seus equipos de fútbol favoritos, o St Patrick (Alemaña), co seu nome e os anos a cumprir, e para ela unha figuriña facendo o seu deporte favorito, crossfit. 

Seguimos abrindo novas posibilidades para as figuriñas personalizadas. Agardemos que vos gusten. Coma sempre, totalmente pintadas a man.

Carlos Pita, un incombustible do Club Deportivo Lugo

Carlos Pita chegou ó Club Deportivo Lugo no 2010, para xogar en 2ªB. Dende a súa chegada, o Lugo está a pasar pola súa época dourada, co ascenso á Liga 123 na tempada 2011-12, ainda que esta tempada está a tocar sufrir para manter a categoría, despois dunhas tempadas anteriores nas que houbo bastante máis tranquilidade. A pesar de todo, Carlos Pita é un dos pilares deste clube, o capitán e un incombustible dentro do campo.

Tivemos a sorte de que puidera asinar a súa réplica, o que fai que estemos moi orgullosos do traballo feito. Coma sempre, totalmente pintado a man.

(Imaxe collida da web do C.D. Lugo)

Iriome, Club Deportivo Lugo 2018-19

Novamente quixemos representar a Iriome, xogador do Clube Deportivo Lugo, desta vez coa equipación da tempada 2018-19. Deixamos a proba de que o xogador quedou contento co noso traballo, según nos comentou en Twitter. Coma sempre totalmente pintada a man.

(Imaxe collida da web do C.D. Lugo)

O Subbuteo na mostra "Valor e mestría: Galicia como fútbol"

O pasado 15 de febreiro, inaugurouse en Santiago de Compostela e mais concretamente na Cidade da Cultura, a exposición "Valor e mestría: Galicia como fútbol", que recorre a historia do fútbol galego dende as súa chegada a fináis do século XIX ata a actualidade, a través de perto de 300 pezas aportadas tanto por distintos clubes de fútbol e institucións, como por particulares. Dentro da exposición, hai un pequeno apartado adicado ó futbol a través dos afeccionados, onde ten a súa representación o Subbuteo, a través das distintas pezas aportadas:

- 1 equipo do Racing de Ferrol
- 1 equipo da Seleccion Gallega
- 1 equipo do Celta de Vigo
- 1 cadro de equipacións históricas do Celta de Vigo
- 1 figuriña de Iago Aspas (mundial 2018)
- 1 figuriña del CD Lugo 2016-17
- 1 figuriña de Fran (Deportivo 1995)
- 1 figuriña de Nacho (Compostela 1996)
- 1 campo de Subbuteo

Unha exposición que vale moito a pena visitar, na que hai pezas incribles, como a primeira camisola que vestiu un porteiro do Deportivo, o balon de ouro do coruñes Luis Suarez, camisetas do Pontevedra da época do "hai que roelo", pezas do Celta de Vigo, do Racing de Ferrol, do Ourense, do C.D. Lugo... Unha montaxe moi visual, perfectamente organizada da man dos comisarios da mesma, Xosé Antón Castro Fernéndez e Rubén Ventureira Novo.

Aproveitando a inauguración da mostra, puidemos entregarlle a Vero Boquete a súa réplica de Subbuteo.

É unha honra poder colaborar con esta ambiciosa exposición e darlle visibilidade o noso pequeno deporte.

Vero Boquete, unha futbolista dos pes á cabeza

Cando falamos de fútbol, sempre se nos vai a cabeza ó fútbol das grandes ligas: a primeira división, a premier league, a bundesliga, a serie "A"... Pero o fútbol é moito máis que unhas cantas ligas de máximo nivel. O fútbol é paixón, é sentimento, é corazón, son unhas cores que vestir... O fútbol de verdade vívese nos campos "pequenos", nas ligas "inferiores", nas que o diñeiro deixa de ser o gran dono deste apaixoante deporte. Hoxe en día, estamos a ver como hai "outro fútbol" que chama á porta con forza para tirar con ela (emulando as verbas do Toto Berizzo) e ven para quedarse: o fútbol feminino.

O fútbol feminino está a colleitar éxitos ata fai uns anos impensables, e a máxima expoñente non pode ser outra que a santiaguesa Vero Boquete. A xogadora galega, conta con grandes éxitos ó longo da súa extensa carreira: 2 Copas da Raíña co Espanyol, 1 Liga Sueca co Tyresö FF, unha Champions League co FFC Frankfurt, unha Bundesliga co Bayern... Unha trotamundos do fútbol que acaba de incorporarse ás filas do Utah Royals FC estadounidense.

É por isto, que non podiamos deixar pasar por alto ó fútbol feminino, e por iso decidimos facerlle unha pequena homenaxe a modo de réplica en figuriña de Subbuteo coa equipación do Espanyol do 2010, tarefa complicada xa que non hai no mercado figuriñas femininas, co que houbo que adaptar unha masculina. Aquí o resultado, agardando que vos guste.